Futboll

Argjentina i ofron 12 mln € Guardiola-s për të lënë Man City-n

AFA kërkon që Pep Guardiola të zëvendësojë Jorge Sampaoli-n tek Argjentina dhe është gati t’i paguajë 12 mln euro në vit deri më 2022, sipas AS.

Gjysma e rrogës së tij do të paguej nga AFA dhe gjysma tjetër nga Torneos, që ka të drejtat televizive të ekipit kombëtar deri më 2030.

Komplikimi i madh është fakti se katalanasi sapo ka rinovuar kontratën te Manchester City deri më 2021 dhe mesa duket nuk ka ndërmend të largohet.

Gjithsesi, AS pretendon se Guardiola i ka thënë Sergio Aguero-s në telefon se do të kishte shumë dëshirë të trajnonte Argjentinën, megjithëse ka theksuar se do të kishte më shumë kuptim nëse atë punë do ta bënte një argjentinas.

Për më tepër, Guardiola ka një marrëdhënie të mirë me Lionel Messi-n që nga koha kur ishin së bashku te Barcelona.

Për momentin, ideja e largimit të spanjollit nga Etihad duket shumë e paarritshme, por ai njihet për interesin që ka drejt kombëtares argjentinase.

Më shumë nga Futboll