RUSI 2018

“Argjentina ka nevojë për Messin, ai është lojtari më i mirë në botë”

Sulmuesi i Argjentinës dhe Interit, Lautaro Martinez, dëshiron që Lionel Messi të kthehet në futbollin ndërkombëtar, sepse ai e bën futbollin argjentinas të vazhdojë të rritet. Messi ishte i pafuqishëm, pasi Albiceleste bëri pak në Kupën e Botës së Rusisë, duke u eliminuar në 1/8 finale nga kampionët e rinj të botës, Franca, e cila fitoi 4-3.

Pas eliminimit, thashethemet mbi daljen në pension ndërkombëtar të Leo Messit ishin të pashmangshme. Ylli i Barcelonës nuk e la veten të disponueshëm për zgjedhjet aktuale të trajnerit të përkohshëm, Lionel Scaloni, në ndeshjet e shtatorit.

Megjithatë, Martinez është i bindur se Messi ende ka një rol jetësor për të luajtur me ekipin kombëtar. Kur u pyet nga “Clarin” nëse Messi është ende i nevojshëm, Martinez tha: “Po, pa dyshim, sepse ai është lojtari më i mirë në botë. Ai është argjentinas dhe çdo herë që mban veshur fanellën e kombëtares, ne gëzojmë plotësisht.

Leo e bën futbollin argjentinas të vazhdojë të rritet. Ka pasur shumë gjëra që kam mësuar nga ai, që ishin shumë të dobishme dhe pozitive brenda grupit. Këtu e kam fjalën jo vetëm te marrëdhëniet e tij me lojtarët më të mirë, por edhe me të rinjtë. Ju mësoni shumë, sepse këtu janë më të mirët dhe përpiqem të bëj maksimumin e të gjitha gjërave”.

Më shumë nga RUSI 2018