Futboll

Bes Kallaku: Mustafi kampion bote, unë kampion në…Shqipëri

Aktori shqiptar i njohur i humorit, Bes Kallaku, është duke kaluar pushimet në Angli, pikërisht në Londër. Aty është takuar edhe me futbollistin shqiptar të Arsenalit, Shkodran Mustafi, i cili la Valencian për të provuar një eksperiencë të re, pas aventurave në Bundesligë, Seria A dhe La Liga. Kujtojmë që Mustafi u shpall kampion bote në vitin 2014 me Gjermaninë, teksa u grumbullua në momentet e fundit nga trajneri Loew. Tani ai është pjesë e grupit, ashtu siç ishte protagonist edhe në Europianin e fundit.

Ja çfarë shkuan aktori i humorit Bes Kallaku në profilin e vet në Facebook: “Shkodran Mustafi, një kolegu im. Nejse, emocion i paparë. 2 futbollistë profesionistë, njëri kampion bote me Gjermaninë dhe futbollist i Arsenalit, tjetri kampion me Mamurrasin, me Shënkollin dhe me Korabin e Peshkopisë.” Në fakt, edhe pse duket pak e habitshme, Besi është aktivizuar në Kategorinë e Parë dhe të Dytë në Shqipëri, ndonëse jo me kohë të plotë. Ai menaxhon edhe një kompleks sportiv “Loku”, ku stërviten grupmoshat.


Klikoni butonin “send to messenger” për të marrë lajmet e fundit me mesazh, zgjidhni ekipin ose sportin tuaj të preferuar


Më shumë nga Futboll