RUSI 2018

“Bild” e konfirmon; Joachim Löw do të vazhdojë si trajner i Gjermanisë

Sipas gazetës “Bild”, Joachim Löë ka vendosur të vazhdojë të udhëheqë ekipin kombëtar gjerman, pavarësisht dështimit të madh në Kupën e Botës së Rusisë, ku kampionët e botës ende në fuqi u eliminuan që në fazën e grupeve.

“Jogi vazhdon”, – është titulli i gazetës më të lexuar në Gjermani, në faqen e saj të internetit. Trajneri mori disa ditë reflektimi pas debaklit në “Rusia 2018”, ku Gjermania për herë të parë në historinë e saj u eliminua në fazën e grupeve.

Gjermania, e cila filloi si një nga favoritet për të mbrojtur titullin, përfundoi e fundit në Grupin F, pas Suedisë, Meksikës dhe Korejsë së Jugut. Löw e drejton ekipin kombëtar gjerman që nga viti 2006 dhe ka një kontratë deri në vitin 2022. Detyra e tij e parë e Kupës së Botës në Katar, pas katër vitesh, do të jetë mundësia e radhës, pas rindërtimit të ekipit, që do të përballet me Ligën e Kombeve më së afërmi, kompeticion i cili fillon me një ndeshje në shtëpi, kundër Francës, në shtator.

Më shumë nga RUSI 2018