Champions League

Bufon “kap” Lahm dhe Henry, vë në shënjestër Messi-n

Gianluigi Buffon vazhdon të befasojë. Portieri i Juventus, pas ndeshjes të luajtur kundër Sporting në Champions, i është afruar akoma më shumë “top” 10-ës së futbollistëve që kanë luajtur më shumë ndeshje në kompeticionin më të rëndësishëm europian për klube. Numri një i bardhezinjve ka shkuar në 112 ndeshje në Champions League, duke barazuar dy sih-kolegë të tij, si Thierry Henry dhe Philipp Lahm dhe duke kaluar një tjetër portier të madh, si Cech, i cili është ndalur në 111 dhe që këtë vit luan në Europa League me Arsenal-in.

 

Buffon, i cili do të mbushë 40 vjeç në janar, tani ka vënë në shënjestër “top” 10-ën. Në renditjen e veçantë të lojatërve me më shumë ndeshje të luajtura në Champions dominon Iker Casillas me 166 ndeshje, para Xavi-t me 151 dhe Ronaldo-s me 143. Në shënjestrën e Buffon, në vendin e 10-të, është Xabi Alonso, i tërhequr, Ibrahimovic, afër rikthimit, dhe Messi me 119 ndeshje. Portieri italian, para se të tërhiqet në fund të sezonit, siç ka bërë vetë të dirat, mund të ketë 9 ndeshje në dispozicion, nëse Juventus arrin në finale, që do ta lejonin të arrinte në 121 ndeshje.

 

10 lojtarët me më shumë ndeshje në Champions:

1.Iker Casillas: 166 ndeshje, 2. Xavi Hernandez: 151, 3. Cristiano Ronaldo: 143, 4. Raul Gonzalez: 142, 5. Ryan Giggs: 141, 6. Clarence Seedorf: 125, 7. Andres Iniesta: 126, 8. Paul Scholes: 124, 9. Roberto Carlos: 120, 10. Xabi Alonso: 119, 10. Zlatan Ibrahimović: 119, 10. Lionel Messi: 119.

Më shumë nga Champions League