Boks

Canelo Alvarez kërcënon Golovkin: Po vij për të të treguar vendin

Po vij vetëm për ty, për të të treguar vendin”, ka qenë mesazhi që boksieri meksikan Saul “Canelo” Alvarez i ka dërguar kampionit të botës së peshës së mesme Gennady Golovkin, një muaj para duelit që dy boksierët do të zhvillojnë në Las Vegas. Alvarez, 49 fitore, 1 humbje dhe 2 ndeshje barazim, do të tentojë t’i shkaktojë rivalit nga Kazakistani humbjen e parë në karrierë, ndërkohë që sfida e parë që dy boksierët zhvilluan në shtatorin e vitit të kaluar përfundoi në barazim.

Alvarez po stërvitet intensivisht për këtë duel të dytë ndaj “Triple G”, një sfidë që parashikohet mjaft e fortë dhe emocionuese. Revanshi mes dy boksierëve ishte parashikuar që të zhvillohej më 5 maj, por u anullua pasi meksikani doli pozitiv dhe më pas u pezullua 6 muaj. Marrëdhëniet mes dy boksierëve janë tensionuar disi pas këtij incidenti, pasi Golovkin gjeti një rival tjetër për duelin e 5 majit, ndërkohë që pezullimi i Alvarez përfundon pikërisht në mes të shtatorit.

I’m coming for you 😈👊🏻🔥 #sept15 #teamcanelo #canelovsggg2

A post shared by Saul Alvarez (@canelo) on

Më shumë nga Boks