Tenis

Çerekfinalet me surpriza, Edmund dhe Mertens shkojnë në gjysmëfinalet e Australian Open

Tenisti britanik Kyle Edmund dhe ajo belge Elise Mertens janë dy gjysmëfinalistët e parë të grand slemit të Australian Open, të kualifikuar pas ndeshjeve të para çerekfinale të luajtura mëngjesin e sotëm në Melburn. Dy emra surprizë, që eliminuan rivalët e tyre favoritë.

Britaniku Edmund mposhti 3-1 bullgarin grigor Dimitrov (4-6, 6-3, 3-6, 4-6), numrin 3 në botë, që ishte favorit, por nuk ia doli dot mbanë të fitojë. Një ndeshje me rivalitet në dy setet e para, por më tej gjithçka u dominua nga Edmund, që për herë të parë në karrierën e tij kualifikohet për në gjysmëfinalet e një grand slemi. Në gjysmëfinale ai do të luajë me fituesin e dyshes Rafael Nadal-Marin Cilic.

Tenisti britanik Kyle Edmund

Te femrat, surprizë kualifikimi i belges Elise Mertens, që mundi 2-0 (6-4, 6-0) ukrainasen Elina Svitolina. Kjo e fundit, numri 4 në botë, ishte favorite për të shkuar më tej, por luajti dobët, sidimos në setin e dytë, mos arritur dot të fitojë dhe u eliminua. Një fitore magjike e Mertens, që prek për herë të parë gjysmëfinalet e një turneu të madh, ku do të luajë me fituesen e dyelit Carla Suarez Navarro-Caroline Wozniacki.


Klikoni butonin “send to messenger” për të marrë lajmet e fundit me mesazh, zgjidhni ekipin ose sportin tuaj të preferuar


Më shumë nga Tenis