Bundesliga

Efekti Salihamidžić, Ancelotti s’ka shans të pijë më duhan

Efekti Salihamidžić, Ancelotti s’ka shans të pijë më duhan

Bayern nuk është klub shqiptar, kështu që Hasan Salihamidžić nuk e ka marrë rolin e drejtorit sportiv thjesht për t’u ulur në një stol. Edhe nëse ndonjëri prej jush ka dyshuar, Carlo Ancelotti sot e bëri të qartë se boshnjaku e ka nisur me dorë të hekurt punën.

“Jam shumë i lumtur me ‘Brazzo’-n. Ai na ka sjellë shumë energji në skuadër. S’na lejon duhan në dhomat e zhveshjes? Po, e konfirmoj. Gruaja ime u gëzua, sepse më bën mirë për shëndetin”, – u shpreh trajneri italian (duke qeshur) në konferencën për shtyp para ndeshjes me Chemnitzer-in në Kupë.

Very happy to share this cup with my staff. They’re work and effort are an example for all of us. #miasanmia @fcbayern

A post shared by Carlo Ancelotti official (@mrancelotti) on

Së fundmi, Salihamidžić ka “kapur mat” trajnerin e përgatitjes fizike, Giovanni Mauri, duke pirë cigare në dhomat e zhveshjes dhe që atëherë ka marrë vendimin për të gjobitur këdo që e bën këtë veprim. Ai ka paraqitur disa rregulla të reja, ngaqë Bayern, para ardhjes së tij, kishte rreth një vit pa drejtor sportiv.

Ndryshe nga paraardhësi i tij, Matthias Sammer, 40-vjeçari nuk njihet si njeri i debateve, por ka një mënyrë mjaft origjinale komunikimi dhe në Mynih të gjithë e vlerësojnë. Imagjinoni: kur Don Carlo “i përulet”, çfarë mund të bëjnë Thomas Müller me shokë?

 

Më shumë nga Bundesliga