Futboll

Gareth Bale thyen rekordin e Leo Messi…

Gareth Bale thyen rekordin e Leo Messi…

Gareth Bale ka shënuar golin e fitores për Real Madrid në ndeshjen kundër Al Jazira, e vlefshme për Botërorin, e cila rezultoi më e vështirë sesa parashikohej. “Ylli” nga Uellsi shënoi gol në prekjen e parë të topit, duke vendosur një rekord origjinal dhe duke kompletuar përmbysjen e skuadrës së Zinedine Zidane. Gareth Bale pati nevojë vetëm për një minutë, 60 sekonda, që të shënonte, duke thyer rekordin e Lionel Messi, i cili “harxhoi” 62 sekonda për të shënuar kundër Atlante në vitin 2009.

Bale u aktivizua në vend të Karim Benzema, sapo nisi minuta e 81-të e ndeshjes dhe pikërisht kur kjo minutë mbaroi, ai tundi rrjetën. Benzema bëri 8 goditje drejt portës kundërshtare, dy prej të cilave u ndalën në shtyllë, por francezi nuk pati fatin e Bale që realizoi në prekjen e parë të topit. Real Madrid do të luajë me Gremio në finalen e botërorit për klube, që do të luhet të shtunën më 16 dhjetor në Emiratet e Bashkuara Arabe.


Klikoni butonin “send to messenger” për të marrë lajmet e fundit me mesazh, zgjidhni ekipin ose sportin tuaj të preferuar


Më shumë nga Futboll