Kampionatet në Europë

Gjashtë “Këpuca të Arta”, kujt ia tregojnë trofetë Messi dhe Suárez?!

Leo Messi dhe Luis Suárez janë paraqitur me gjashtë”Këpuca të Arta”, që ata kanë fituar. Të dyja yjet e Barçës janë fotografuar në “Ciutat Esportiva” me trofetë e këtij lloji, që i kanë fituar gjatë viteve. Leo ka qenë fitues i :Këpucës së Artë” katër herë, ndërsa Suarez në dy raste të tjera. Messi e ka fituar trofeun për golashënuesin më të mirë të futbollit europian në sezonet 2009-2010 (me 34 gola), 2011-2012 (me 50 gola), 2012-2013 (me 46 gola) dhe 2016-2017 (me 37 gola). Nga ana e tij, Luis Suárez ka qenë golashënuesi më i mirë kontinental në sezonin 2014-2014 (me 31 gola) dhe 2015-2016 (me 40 gola).

Të gjashtë këto trofe i kanë fituar me fanellën e skuadrës Blaugrana. “Këpuca e Artë” u dha për herë të parë në sezonin 1967-1968 dhe u bë nga gazeta sportive franceze “L’Équipe”. Lojtari i parë që e fitoi çmimin në fjalë ishte Eusebio da Silva. Portugezi, asokohe luante me Benfica dhe realizoi një total prej 42 golash. Leo Messi është i lumtur me trofeun e sezonit 2016-2017, pasi kishte shënuar 37 gola. Holandezi Das Bost, sulmuesi i Sporting Portugal, e ndiqte nga afër argjentinasin, por në fund “La Pulga” arriti të shpallej fituesi.


Klikoni butonin “send to messenger” për të marrë lajmet e fundit me mesazh, zgjidhni ekipin ose sportin tuaj të preferuar


Më shumë nga Kampionatet në Europë