Futboll

Situata e ekipit, Ernest Gjoka bashkëbisedim “online” me tifozët

Situata e ekipit, Ernest Gjoka bashkëbisedim “online” me tifozët

Pas përfundimit të javës së parë të përgatitjeve në Ulqin, Vllaznia ka gjetur një mënyrë orgjinale për të dhënë “llogari” te tifozët për gjendjen e ekipit. Trajneri Ernest Gjoka do të zhvillojë një bashkëbisedim me tifozët në faqen zyrtare të ekipit në facebook. Këtë gjë e ka bërë të ditur vet klubi me anë të një njoftimi për të gjithë tifozët shkodranë.

“Skuadra e Vllaznisë ditën e djeshme ka mbyllur javën e parë të përgatitjeve në Ulqin dhe tashmë ajo ka filluar të mendojë për sfidat e kampionatit. Pikërisht, për atë se çfarë po ndodh te Vllaznia me përgatitjet, trajneri Ernest Gjoka do të zhvillojë një bashkëbisedim me tifozët e Vllaznisë “online”, këtu në faqen zyrtare të klubit. Për 60 minuta me rradhë, ai do t’i përgjigjet të gjitha pyetjeve që tifozët do të bëjnë. Për përgatitjet, për merkaton dhe për shumë tema të tjera që ato mendojnë. Kjo do të ndodhë nga ora 18.00 deri në orën 19.00. Por, ju të nderuar tifozë të Vllaznisë mund të filloni që nga ky moment, të shkruani këtu më poshtë pyetjet tuaja në adresë të trajnerit. Profesor Gjoka do t’u kthejë të gjithëve përgjigje në 60 minutat për të cilat ai do jetë në dispozicionin tuaj”


Klikoni butonin “send to messenger” për të marrë lajmet e fundit me mesazh, zgjidhni ekipin ose sportin tuaj të preferuar


Më shumë nga Futboll