Kampionatet në Europë

Guardiola, rinovim kontrate dhe 200 milionë £ për merkaton e verës

Pep Guardiola do të zgjasë kontratën me Manchester City deri në vitin 2020, shkruan “The Daily Mail”. Bisedimet për një zgjerim të tillë kohor të marrëveshjes do të mbahen pas fitimit të titullit në Premier League nga “qytetarët”, ndërsa lojtarët janë të vendosur për të marrë një bonus të shëndetshëm.

Ndërkohë, klubi pritet t’i dorëzojë Guardiolës edhe 200 milionë £ për përforcime në merkaton e kësaj vere. Trajnerit të Manchester City do t’i duhet të forcohet, duke u përpjekur të mbrojë kurorën e kampionit të Premier League dhe të fitojë Ligën e Kampionëve, gjithashtu.

Thomas Lemar, Fred, Jorginho, Jean-Michel Seri, Julian Weigl, Riyad Mahrez dhe Toby Alderweireld janë vetëm disa nga emrat, që Manchester City mund të synojë këtë verë.

Më shumë nga Kampionatet në Europë