Bundesliga

Henrichs rinovon, ky po që është lajm i keq për Bayern-in

“Aspirinat” e Bayer Leverkusen-it sot kanë bërë me dhimbje kokë tifozët bavarezë. Mbrojtësi i djathtë Benjamin Henrichs sapo ka rinovuar me dy vite të tjera kontratën e tij me klubin gjerman, që do të thotë se do të luajë në “Bay Arena” deri në vitin 2022. 20-vjeçari është prej kohësh një synim në merkato i Bayern-it, i konsideruar si pasues i kapitenit Philipp Lahm, i cili në qershor do t’i japë fund karrierës. Kështu, gjërat tani do të jenë shumë më të vështira për kampionët e Bundesligës.

Henrichs e ka thënë që në fillim të muajit se dëshiron të qëndrojë në Leverkusen, por pa e mohuar që mund të transferohet te Bayern në vitin 2018. Tani, me rinovimin e kontratës, ai është shumë larg bavarezëve. “Kjo është diçka e madhe për mua, sepse klubi ku kam luajtur prej 13 vitesh më ka dhënë të gjitha mundësitë”, tha gjermani, i cili e ka nisur karrierën me skuadrën Bayer U8. “Dua të ndihmoj klubin, që të arrijmë aty ku duam, pas një viti të vështirë”, shtoi ai.

 


Klikoni butonin “send to messenger” për të marrë lajmet e fundit me mesazh, zgjidhni ekipin ose sportin tuaj të preferuar


Më shumë nga Bundesliga