Champions League

Klopp: Që të mbahet mend për 500 vjet, Liverpool duhet të bëjë këtë…

Jurgen Klopp u tha lojtarëve të tij se mund të mbahen mend për 500 vjet, nëse Liverpool fiton finalen e Ligës së Kampionëve, kundër Real Madridit. Liverpool do të sfidojë dy herë radhazi kampionët e Europës në fuqi, në Kiev, më 26 maj, duke kërkuar kurorën e gjashtë europiane.

Por, ndeshja e së dielës në Premier League, e fundit për këtë kampionat, ndaj Brighton dhe Hove Albion, është në “ballë të mendjes” së Kloppit, teksa një pikë i garanton Liverpool një vend në “top katër”.

“E kemi në dorë kualifikimin për në Ligën e Kampionëve, kështu që jemi në garë edhe sezonin e ardhshëm të këtij kompeticioni kontinental, çka ishte objektiv nga dita e parë, – u tha Klopp gazetarëve. – Nëse dikush më thoshte para se të fillonim javën e parë të këtij sezoni se e pranon këtë arritje, do të thosha “në rregull, do ta marr atë”.

Megjithatë, trajneri i Liverpool, Klopp, i njeh lojtarët e tij dhe thotë se kanë mundësi për t’i shkruar emrat e tyre në histori, duke fituar kundër Real Madridit pas dy javësh. “Unë nuk mund të mendoj për momentin në lidhje me finalen e Ligës së Kampioneve. Duhet të mendoj për këtë lojë dhe të fitoj këtë ndeshje, që të sigurohemi për të luajtur në Champions edhe sezonin e ardhshëm.

Pastaj kemi dy javë për t’u përgatitur për ndeshjen tjetër, finalen e Ligës së Kampionëve. Që këta lojtarë të Liverpool të mbahen mend për 500 vjet, atëherë duhet të fitojnë ndeshjen finale të Kievit”.


Klikoni butonin “send to messenger” për të marrë lajmet e fundit me mesazh, zgjidhni ekipin ose sportin tuaj të preferuar


Më shumë nga Champions League