Volejboll

Liga e Europës, kombëtarja e femrave sfidon Suedinë në gjysmëfinale

Kombëtarja e femrave në volejboll do të luajë ndaj Suedisë në gjysmëfinalet e Divizionit të Argjendtë të Ligës së Europës, ndeshje që do të luhet në Nykoping të Suedisë më 16 qershor. Në fazën finale të këtij turneu u kualifikuan Austria e Shqipëria nga Grupi B si dhe Suedia e Estonia nga Grupi B. Sipas shortit të CEV, në gjysmëfinale luhet me formulën A1-B2 dhe A2-B1, çka do të thotë që vajzat kuqezi të trajnerit Altin Martiri do të përballen me Suedinë në gjysmëfinale, ndërsa Austria me Estoninë në gjysmëfinalen tjetër.

Kjo fazë finale e Ligës së Europës do të organizohet në Nykoping të Suedisë, që është edhe pretendtja kryesore për fitimin e këitj turneu dhe për t’u kualifikuar në Ligën e Artë sezonin e ardhshëm. Pavarësisht se vajzat kuqezi do të luajnë ndaj vendit organizator, mobilizimi i kombëtares ka qenë i madh dhe stërvitja ka vijuar rregullisht, për të qenë gati më 16 qershor, kur luhet gjysmëfinalja e parë. Stafi shpreson të rikuperojë disa lojtarë të dëmtuara, veçanërisht Bicin, me synimin për të bërë një paraqitje të mirë  edhe në Suedi.


Klikoni butonin “send to messenger” për të marrë lajmet e fundit me mesazh, zgjidhni ekipin ose sportin tuaj të preferuar


Më shumë nga Volejboll