Futboll

Manchester City “ngec” ndaj Stoke, titulli kthehet në “utopi”!

Përpara kësaj ndeshje kishte një skuadër që me ecurinë e rezultateve që kishte pasur kohët e fundit mund të ushtronte një presion, sado të vogël, ndaj Chelsea kryesues, bëhej fjalë për Manchester City. Por nëse do të shohim barazimin 0-0 ndaj Stoke, atëherë kuptojmë se është ekipi i Antonio Conte, që ka prekur me njërën dorë titullin në Premier League.

Pas një fitore bindëse ndaj Sunderland, ditën e diel, City i drejtuar nga Pep Guardiola u duk një skuadër pa shumë ide në “Etihad Stadium”, në mbrëmjen e së mërkurës. Nga ana tjetër, Stoke, u shfaq perfekte në përkushtim dhe në fazën mbrojtëse dhe e meritoi plotësisht pikën e marrë një fushën e një prej ekipeve më të mira në Angli.

Guardiola la pushim disa titullarë, mes të cilëve Sterling, por skuadra e City nuk bëri mjaftueshëm në fushën e lojës. Skuadra e tij nuk krijoi sa duhet raste për shënim dhe nisi të shfaqet e rrezikshme vetëm pas aktivizimit të David Silva, një orë para fundit. Barazimi e lë City me pikë të barabarta me Tottenham të vendit të dytë, 10 më pak se Chelsea kryesues, 11 ndeshje para fundit.

Standings provided by Sofascore LiveScore

Më shumë nga Futboll