Europa League

Manchester United del me barazim nga fusha e vështirë e Rostov

Manchester United dominon por nuk arrin të dalë nga fusha e ashpër e Rostov me fitore teksa miqtë barazuan me anë të Bukharov pasi Henrikh Mkhitaryan gjeti golin e avantazhit gjatë pjesës së parë. Një ndeshje pa shumë momente kulmore, pa raste për gol dhe duke parë fushën dhe ndërhyrjet e rusëve ajo i ngjante një sfide të viteve 60-të apo 70-të. Gjithsesi barazimi nuk është i keq për Djajtë, të cilët me një fitore në Old Trafford ose barazim pa gola mund të kalojnë në fazën tjetër.

https://www.youtube.com/watch?v=FdxtQkPqTFA

Padyshim që nuk është një nga ndeshjet më të bukura të Manchester United teksa fusha e Rostov nuk të lejon shumë hapësira të shfaqësh aftësitë teknike. Rastet për gol mungojnë, si për vendasit ashtu edhe për miqtë.

Surpriza vjen nga Jose Murinho, i cili mbase për të parën herë ka përdorur tre mbrojtës në prapavijë. Një inspirim nga Conte? United kontrollon ndeshjen por i duhet gjysmë ore lojë për të krijuar një mundësi të mirë shënimi e cila shfrytëzohet në maksimum nga lojtari i rikthyer nga dëmtimi Henrikh Mkhitaryan.

Fellaini ul një top të gjatë dhe pason drejt Ibrahimovic i cili ia kalon armenit që pa shumë vështirësi shtyn topin në rrjetë duke kaluar të tijtë në avantazh. Ekipet futen në fushë me rezultatin 1:0 për miqtë por avantazhi i Djajve nuk zgjat edhe shumë pas pushimit.

Në minutën e 53-të vendasit barazojnë rezultatin nga hiçi. Pas një krosi të shkëlqyer të Kalachev, Bukharov gjen pak hapësirë brenda zonës dhe me goditjen e tij arrin të mundë portierin Romero. United ishte duke dominuar ndeshjen megjithëse fusha dhe ndërhyrjet e lojtarëve të Rostov janë njësojë të ashpra.

Tashmë erdhi edh goli i pafat. Minutat kalojnë por rastet nuk ekzistojnë nga të dyja anët e fushës. Ndeshja duket sikur do të përfundojë në barazim. Dhe ashtu është, United del nga fusha me një barazim, një rezultat i pranueshëm për djemtë e Jose Mourinho.

Më shumë nga Europa League