Boks

McGregor tjetër hap, aplikon për licensë boksi në Las Vegas

Pak orë pasi ka firmosur kontratën për të dueluar me Floyd Mayweather në një ndeshje boksi, ikona e arteve marciale mikse Conor McGregor ka aplikuar sot pranë komisionit të sporteve në Nevada për të marrë licensën e boksimit. Irlandezi po bën gjithçka është e mundur në dorën e tij për ta zhvilluar këtë duel, që me shumë gjasa do të zhvillohet në Las Vegas. McGregor ka një licensë për të boksuar në Amerikë, por në shtetin e Kalifornisë, ndërkohë që atij i nevojitet licensa për të dueluar shtetin e Nevadës, në Las Vegas, ndaj dhe ka nisur procedurat e nevojshme. Sfida mes Mayweather dhe McGregor pritet të thyejë çdo rekord, përfshi edhe shifrën e 384 milionë shitje “pay per view” (paguaj për ta parë) që realizoi dueli Mayweather-Pacquiao.

Te gjithe presin sfiden e madhe midis McGregor dhe Mayweather

Shefi i zyrës së licensës pranë komisionit të sportit në Nevada, Bob Bennett, për “Boxing News” u shpreh: “Conor McGregor ka plotësuar dokumentet e para për të aplikuar për licensën e boksit, por jemi në pritje edhe të disa dokumenteve shtesë nga ana e sportistit. Ne do ta mbështesim në këtë aplikim, duke i dhënë përparësi, pasi është një sportist i jashtëzakonshëm. Nëse kthejmë kokën pas, ai ka nisur te merret me kickboks që në moshën 12-vjeçare dhe më pas u bë kampion i Irlandës në boks. Edhe në UFC nuk ka zhgënjyer, duke fituar 21 nga 24 duelet e zhvilluara, 17 prej të cilave me KO”, tha Bennett, që mirëpret këtë duel në Nevada (Las Vegas), qytetin ku zhvillohen duelet më të mëdha në sportet luftarake (boks dhe UFC).

[interaction id=”58a4beb2adbf39862c2d63a2″]


Klikoni butonin “send to messenger” për të marrë lajmet e fundit me mesazh, zgjidhni ekipin ose sportin tuaj të preferuar


Më shumë nga Boks