Kampionatet në Europë

Messi, të premten merr për herë të katërt “Këpucën e Artë”

Leo Messi do të jetë yll i madh i eventit të dorëzimit të “Këpucës së Artë”, që do të mbahet të premten, në “Estrella Damm”, në Barcelonë. Akti është planifikuar të fillojë në ora 13:15. Në këtë mënyrë, lojtari argjentinas do ta marrë këtë çmim për herë të katërt, në sajë të 37 golave ​​që shënoi në La Liga, sezoni 2016-2017. Një çështje që ishte shumë konkurruese, sepse deri pothuajse në lojën e fundit fituesi nuk ishte përcaktuar, nga lufta e ethshme mes sulmuesit të Barcelonës dhe Bas Dost, sulmuesi i Sporting Lisbonë. Me këtë trofe të ri, Messi barazohet me Cristiano Ronaldon, me më shumë tituj. Të dy lojtarët e kanë ngritur trofeun katër herë. Hera e parë që Messi e fitoi atë ishte në sezonin 2009-2010, kur trajneri i Barcelonës ishte Pep Guardiola, si në çmimin e tij të dytë, në sezonin 2011-2012.

Hera e fundit, që ai e mori atë ishte vitin e ardhshëm, në sezonin 2012/13, kur Tito Vilanova ishte trajner i katalanasve. Që nga ai moment, Leo e lëshoi pozicionin e tij si sulmues te Barça ndaj Luis Suárez, i cili do ta fitonte “Këpucën e Artë” dy herë. Ceremonia do të zhvillohet përsëri në “Estrella Damm”, një vend që tashmë është bërë klasik për këtë ngjarje. Do të jetë një ngjarje, në të cilën, si gjithmonë, do të takohen shumë personalitete nga bota e futbollit dhe të lidhur me Barcelonën. Pritet që të ketë një numër të madh lojtarësh nga skuadra e parë e Barçës, siç ka ndodhur në rastet e mëparshme.

Më shumë nga Kampionatet në Europë