Futboll

Mourinho: Ja pse askush nuk dominon dot në Angli

Jose Mourinho këmbëngul se në Premier League asnjë skuadër nuk mund të dominojë për vite të tëra, ngaqë ka një konkurrencë të jashtëzakonshme. Trajneri i Manchester United-it ka krahasuar gjendjen aktuale në Angli me atë që ndodh në Gjermani, ku Bayern München sivjet po fiton titullin e pestë radhazi të Bundesligës. Ish-trajneri i Real Madrid-it, i cili mori frenat e “Djajve të kuq” në verën e shkuar, ka argumentuar se aspekti ekonomik është arsyeja pse në ishull askush nuk vendos hegjemoninë e tij.

“Kam ardhur te një klub i cili ka një histori madhështore dhe prestigjioze, por asnjë klub në Angli, qoftë Manchester United, Liverpool apo Manchester City nuk mund të dominojë gjatë. Fuqia është e shpërndarë”, – tha portugezi në “France Football”. “Në Angli, klubet janë kaq të forta ekonomikisht, saqë merkatoja është e hapur për të gjithë. Merrni shembull Bayern-in në Gjermani. E dini se kur nis ta fitojë titullin? Që në verë, sepse blen lojtarët më të mirë nga Borussia Dortmund”, – shpjegoi më tej “The Special One”.

Më shumë nga Futboll