Atletikë

Në shkurt, Ballkaniada e sallave të mbyllura në Stamboll

Federata Ballkanike e Atletikës ka publikuar kalendarin e aktiviteve rajonale të sportit të “mbretëreshës” për vitin 2018, që do të nisin më 10 shkurt. Në Sofje, do të zhvillohet Ballkaniada e sallave të mbyllura për moshën U-20, ndërsa një javë më vonë, në Stamboll, zhvillohet Ballkaniada për të rritur në sallat e mbyllura. Ky do të jetë aktiviteti i parë “big” për atletikën shqiptare ku do të testojë forcat me disa nga protagonistët që synojnë një vit 2018 pozitiv dhe me rekorde.

Kalendari 2018 i aktiviteteve ballkanike ne atletike

Atletët Luiza Gega, Izmir Smajlaj dhe jo vetëm, do të kenë mundësi të testojnë punën e bërë gjatë muajve të fundit në prag të aktiviteteve Europianë, që zhvillohen këtë vit në Berlin dhe Birmingam. Për sa i përket turneve të tjera Ballkanikë, kampionatet kryesore do të zhvillohen në qershor (U-18 dhe U-20) dhe korrik (senior). Asnjë aktivitet Ballkanik nuk do të zhvillohet në vendin tonë gjatë 2018-ës, ndërkohë që gara e fundit e vitit 2018 do të jetë ajo e krosit, në nëntor.

Më shumë nga Atletikë