Kampionati Shqiptar

Partizani dhe Tirana, në pritje të miqësoreve turke

Dy skuadrat kryeqytetase, Partizani dhe Tirana, vijojnë përgatitjet e tyre dimërore në Antalia të Turqisë.

Dy skuadrat kryeqytetase, Partizani dhe Tirana, vijojnë përgatitjet e tyre dimërore në Antalia të Turqisë. Deri më tani, të kuqtë dhe bardheblutë kanë zhvilluar seanca stërvitore, nga dy në ditë, duke alternuar sallën e forcës me fushën e lojës. Ndryshe nga Kukësi dhe Skënderbeu, që janë po atje, në Antalia, kryeqytetasit nuk e kanë provuar veten akoma në ndeshje miqësore. Kështu, Partizani do të ketë një përballje legjendash me Fenerbahçe, ditën e mërkurë, në orën 18:00, në stadiumin “Akdeniz Universitesi”.

Nga ana tjetër, Tirana e Mirel Josës do të luajë miqësoren e parë në tokën turke më 12 janar, ndaj FC Akzhayik. Sa u përket përgatitjeve, bardheblutë kanë hyrë në ditën e tretë të tyre në Antalia. Skuadra stërvitet dy herë në ditë, në fushën dhe sallën e forcës së resortit, ku bardheblutë janë të grumbulluar. Trajneri Mirel Josa, bashkë me ndihmësit e tij, Ivan Gvozdenovic dhe Emanuel Egbo, e kanë shtuar ngarkesën fizike për lojtarët. I diferencuar nga grupi vijon të stërvitet Dorian Kërçiku, ndërkohë që Muça dhe Reuben Akua kanë rikuperuar plotësisht dëmtimet dhe janë bashkuar me grupin.


Klikoni butonin “send to messenger” për të marrë lajmet e fundit me mesazh, zgjidhni ekipin ose sportin tuaj të preferuar


Më shumë nga Kampionati Shqiptar