Kampionati Shqiptar

Partizani i papërmbajtshëm, kthehet te fitorja me goleadë

Partizani ka fituar me rezultatin e thellë 6-0 ndeshjen e javës së 22-të të Kategorisë Superiore të luajtur pasditen e sotme kundër Lushnjes. Siç mund të kuptohet edhe nga rezultati, vendasit kanë dominuar takimin nga fillimi deri në fund.

Festivali i golave, për ekipin e Starovës, ka filluar në minutën e 28-të dhe është hapur nga Bardhi, i cili është përsëritur gjashtë minuta më vonë duke dyfishuar avantazhin e Partizanit. Në minutën e fundit të pjesës së parë ka ardhur edhe goli i tretë i vendasve, të cilët kanë shënuar me Belican.

Pjesa e dytë ka qenë një pasqyrë e së parës, duke parë se “Të Kuqtë” kanë realizuar tre gola të tjetër, ndërsa miqtë nuk kanë bërë asgjë. Progni ka realizuar golin e katërt në minutën e 57-të, duke çuar shifrat në 4-0. Në të 62-ën ka ardhur momenti i Ferreira Cardoso për të realizuar golin e pestë para se Ramadani të shënonte të gjashtin në të 84-ën dhe të fiksonte shifrat në 6-0.

Kjo fitore, e arritur pas dy humbjeve radhazi në kampionat, ka çuar Partizanin në kuotën e 31 pikëve, ndërsa Lushnja ka pësuar humbjen e pestë radhazi dhe mbetet në vendin e fundit me 10 pikë, 12 pikë larg vendit të tetë që mbahet nga Vllaznia dhe që siguron mbijetesën.

Standings provided by Sofascore LiveScore

Më shumë nga Kampionati Shqiptar