Futboll

Premier, Wenger zbulon pretendentin kryesor për titullin…

Arsene Wenger beson se Chelsea është skuadra favorite për të fituar titullin në këtë sezon, por nga ana tjetër trajneri i Arsenal ka kritikuar cilësinë e parë në Premier League gjatë vitit 2016. Chelsea ka gjashtë pikë avantazh ndaj Liverpool në prag të 2017-s, teksa Arsenal është i katërti, nëntë pikë larg kreut. Një ecuri prej 12 fitoresh radhazi e ka bërë Chelsea skuadrën për t’u mundur në sytë e Arsene Wenger. Francezi është i bindur se Arsenal duhet të fitojë të gjitha ndeshjet me gjashtë rivalët e drejtpërdrejtë që të pretendojë titullin kampion në pjesën e dytë të sezonit.

wenger1

“Gara për titull do të vendoset nga përballjet direkte, – tha Wenger në konferencën për shtyp para ndeshjes të së dielës kundër Crystal Palace. – Megjithatë, Chelsea është super favorite dhe nëse ata nuk ndalen, ekipet e tjera nuk kanë shanse. Rruga mbetet ende e gjatë dhe Chelsea ende mund ta humbasë titullin, por do të jetë e vështirë për të gjithë ekipet e tjera, ku e përsëris që sfidat kokë më kokë do të kenë një ndikim shumë të madh.”

arsene-wenger_52ei4ct9mvvi1gp26noflvgdx

Teksa po mbyllet viti 2016 në Premier League, Wenger kritikon cilësinë e lojës së treguar. “Unë do ta ndaja vitin 2016 në dy pjesë. Në pjesën e parë ne e mbyllëm kampionatin në vendin e dytë dhe ishte zhgënjyese që nuk e fituam trofeun. Pas kësaj, në pjesën e dytë, punuam për të përmirësuar nivelin tonë, por në përgjithësi niveli ka lënë shumë për të dëshiruar. Nuk kemi bërë asnjë ndeshje për t’u mbajtur mend dhe urojmë që në pjesën e dytë të sezonit të përmirësohemi në këtë aspekt. Të gjitha skuadrat nuk janë shprehur në nivelin e duhur dhe unë mbaj përgjegjësinë time për këtë.”

 

Më shumë nga Futboll