Connect with us

Kampionatet në Europë

“Puthja” enigmatike e Jose Mourinhos, që i solli kualifikimin…

José Mourinho ka ekspozuar diçka të veçantë, që duket se i sjell fat. Trajneri i Manchester United i ka befasuar të gjithë kur ka nxjerrë para gjithë audiencës një objekt të tij të çmuar në kohën shtesë të çerekfinaleve të “Europa League”, që e luajti mbrëmë kundër Anderlecht. Portugezi nxori nga xhepi i tij një letër dhe e puthi, ndërsa Manchester United po rrezikonte çdo gjë në fushë, kundër belgëve. Ekipi i tij ishte në barazim me gola dhe në kohën shtesë kishte nevojë për një mrekulli, që të “shpëtonte lëkurën”. Kjo mrekulli erdhi pak minuta pasi Mourinho puthi objektin e çmuar.

Në konferencën për shtyp, pas ndeshjes, Jose Mourinho ka lavdëruar mbrojtësin e Manchester United, Luke Shaw, i cili tani është duke fituar betejën e tij për të vijuar karrierën në “Old Trafford”. Mbrojtësi i Anglisë është kritikuar shumë nga Mourinho këtë sezon, por ishte një figurë e rëndësishme në fitoren 2-1 ndaj Anderlecht, në Ligën e Europës, të enjten mbrëma: “Unë u besoj gjithnjë lojtarëve me mentalitet të veçantë. Gjithnjë besoj tek ata. Luke Shaw bëri diçka të re sonte, kjo do të thotë shumë për mua”.

Më shumë nga Kampionatet në Europë