Tenis

Rafael Nadal nesër debuton në Montekarlo, synon titullin e 11-të

Rafael Nadal duket se është gati për të debutar nesër në turneun Masters të Mobtekarlos, ku është kampion në fuqi, turne ku ka triumfuar plot 10 herë në karrierën e tij. Ky është turneu që çel sfidat në fushat me dhè, sipërfaqja e preferuar e tenistit spanjoll, numri 1 në botë, që duhet të fitojë për të ruajtur edhe kreun e renditjes botërore.

Ndihem mirë fizikisht, jam stërvitur rregullisht dhe shpresoj që të bëj një paraqitje të mirë në Montekarlo. Është një turne që e dashuroj, një sipërfaqe ku ndihem mirë dhe objektivi është të shkoj sa më larg, duke qenë se është turneu i parë që luaj pas kaq muajsh”, tha Nadal.

Tenisti spanjoll, që mban kreun e renditjes botërore, nuk luan në një ndeshje zyrtare që pas eliminimit nga grand slemi i Australian Open dhe për të ky turne do të jetë një test i mirë për Nadal. “Jam stërvitur me intensitet dhe kam zhvilluar lojëra të mira dhe do të shfrytëzoj edhe këto dy ditë pushim deri në sfidën e parë. Nuk kam luajtur shumë për të kuptuar nëse jam në 100% të formës, por kam një ndjesi të mirë. Kam luajtur disa sete të plota, por ky është turneu i parë në fushat me dhè dhe gjithnjë ka surpriza. Nëse jam i përqendruar mund të bëj një paraqitje të mirë dhe shpresoj të shkoj deri në finale”, deklaroi Rafael Nadal.


Klikoni butonin “send to messenger” për të marrë lajmet e fundit me mesazh, zgjidhni ekipin ose sportin tuaj të preferuar


Më shumë nga Tenis