Futboll

Real pranon që Ronaldo të bëhet futbollisti më i paguar i historisë…

Real pranon që Ronaldo të bëhet futbollisti më i paguar i historisë…

Cristiano Ronaldo do të shpërblehet me një kontratë të re për Real Madrid, pasi ka shkëlqyer në këtë fillim viti kalendarik. “Ylli” i Real ka një kontratë deri në vitin 2021, por kohët e fundit kanë qarkulluar zëra se do të largohet nga “Bernabeu” duke shtuar hipotezat për një rikthim te Manchester United. Gjithsesi, 33-vjeçari që ka shënuar 17 gola në 12 ndeshjet e fundit, ka bindur presidentin “merengues” Perez për t’i ofruar një kontratë të re, më “luksoze” në historinë e futbollit.

Cristiano Ronaldo may have convinced Real Madrid to offer him another new deal

Sipas “Mundo Deportivo”, presidenti Florentino Perez i ka propozuar portugezit ta mbyllë karrierën te Real Madrid. Me këtë marrëveshje, ai do të bëhet më i paguar se Lionel Messi dhe Neymar. Në janar, në bazë të renditjes së “Marca”, Ronaldo është lojtari i gjashtë më i paguar i planetit, me Messi në vend të parë që merr 45.7 milionë euro në sezon, Neymar 38 milionë euro në sezon dhe dy futbollistët që luajnë në kampionatin kinez Ezequiel Lavezzi (29 milionë euro) dhe Oscar (26 milionë euro).

The Real Madrid star has scored 17 goals in his 12 appearances since the start of 2018

Me kontratën e re, Ronaldo do të marrë 47 milionë euro në sezon për tre vitet e ardhshme, derisa të jetë 36 vjeç dhe të mendojë për të ardhmen e tij. Mes 10 futbollistëve më të paguar të planetit janë edhe Hulk, Kylian Mbappe, Paul Pogba e Graziano Pelle. Ronaldo kishte shënuar vetëm 13 gola para Krishlindjeve, duke ngjallur dyshime për formën e tij, por që nga ajo ditë ai ka shënuar 20 gola në të gjitha veprimtaritë për ekipin e drejtuar nga Zinedine Zidane.

Më shumë nga Futboll