Futboll

Roma fal “rebelin” Nainggolan, do të jetë titullar kundër Inter…

Roma fal “rebelin” Nainggolan, do të jetë titullar kundër Inter…

“Nuk ka asnjë çështje Nainggolan. Futbollisti ka kërkuar ndjesë për festën që bëri në fund të vitit dhe kërkoi të qëndronte në krah të drejtuesve në tribunë gjatë ndeshjes së kaluar. Eshtë stërvitur me ne çdo ditë dhe do të jetë titullar kundër Inter, sepse e meriton, – këto kanë qenë fjalët e trajnerit të AS Roma, Eusebio Di Francesco. – Ai u la jashtë në ndeshjen e fundit si një zgjedhje etike dhe morale karshi pjesës tjetër të skuadrës, por tani unë po mendoj vetëm si skuadra ime të kthehet e fortë, ashtu si ishte 20 ditë më parë.”

Image result for nainggolan roma

Fillimi i sezonit nga verdhekuqtë ishte i shkëlqyer, por më pas kanë ardhur vetëm 4 pikë në 5 ndeshjet e fundit. Di Francesco shpjegon: “Duam të rikthehemi sërish protagonistë në kampionat dhe të jemi skuadra zbulim e Champions League. Nuk mund të luajmë aq keq sa në pjesën e parë kundër Atalanta. Eshtë e vërtetë se nuk kemi treguar as në të kaluarën se mund të luftojmë për titullin në Serie A, por duhet të ruajmë optimizim dhe të largojmë ndjesitë negative të kohëve të fundit. Eshtë detyra ime si trajner që ta kthej Romën atje ku ishte në fillim të dhjetorit.”


Klikoni butonin “send to messenger” për të marrë lajmet e fundit me mesazh, zgjidhni ekipin ose sportin tuaj të preferuar


Më shumë nga Futboll