Seria A

Roma mposht Barcelonën dhe Manchester United, rrëmben talentin holandez

Transferimi i Justin Kluivert te Roma u afrua një hap më tepër të hënën, pasi holandezi fluturoi në kryeqytetin italian. Djaloshi 19-vjeçar, i biri i ish-sulmuesit të njohur holandez, Patrick Kluivert, ka tërhequr shumë interes, pas një sërë shfaqjesh mbresëlënëse me Ajaxin.

Manchester United dhe Barcelona kanë qenë shumë të lidhur me adoleshentin e talentuar, pasi panë një përplasje të verës për nënshkrimin e tij. Roma, megjithatë, duket se e ka fituar garën për të siguruar shërbimet e tij, me klubin kryeqytetas italian që transmeton pamjet video në mediat sociale të lojtarit, që po vjen në Romë.

Kluivert mbajti një shall të klubit verdhekuq dhe nënshkroi autografe për përkrahësit, pasi u përshëndet nga një turmë e madhe, përpara një klinike mjekësore. Klubi i Seria A do të paguajë 18 milionë euro për ta shtyrë marrëveshjen, duke e bërë atë nënshkrimin e katërt të kësaj vere, pas marrjes së Bryan Cristante, Ante Coric dhe Ivan Marcano.

Kluivert, i cili bëri debutimin e tij me Holandën në mars, duke ardhur nga pankina në një fitore në miqësore, 3-0 kundër Portugalisë, shënoi 10 gola dhe dha pesë asiste në sezonin 2017-2018, në “Eredivisie”. Kluivert ishte paralajmëruar që të mos largohej nga Ajax në fillim të zhvillimit të tij, ndërsa babai Patrick i tha “Ole”:

“Personalisht i thashë se ndoshta është më mirë të qëndrosh një vit më shumë tek Ajax, të bësh disa kilometra, të jesh i rëndësishëm për ekipin. Ai është 19 vjeç, është ende i ri, por i merr vendimet vetë. Si baba duhet të qëndroj pas të gjitha vendimeve të tij”.

Më shumë nga Seria A