Legjenda e Brazilit, Ronaldinho, tha se “po i hanin këmbët për të luajtur”, pasi u prezantua si futbollisti i ri i Fluminenses në stadiumin “Maracana”. 35-vjeçari doli para tifozëve të rinj, në prag të ndeshjes ndaj Vasco da Gama, pasi vendosi të largohet nga skuadra meksikane Queretaro.
Ronaldinho gjatë prezantimit në stadiumin “Maracana”
Ndeshja nuk shkoi mirë për Fluminenesen, që u mposht nga kundërshtari që qëndron pas tyre në renditje, në një takim ku tetë futbollistë vendas u ndëshkuan me karton të verdhë. Megjithatë, kjo nuk ndikoi në moralin e Ronaldinho, i cili u shpreh entuziast nuk fillimi i aventurës së re.
Ronaldinho refuzoi ofertën e Antalyaspor për të shkuar te Fluminense
“Dinjo” tha: “Eshtë e bukur të rikthehesh për një klub të madh. Unë jam i lumtur dhe i motivuar. Doja të luaja menjëherë pasi pashë stadiumin “Maracana” dhe tifozët që më mbështesin. Këmbët e mia po presin me padurim të luajnë sërish futboll. Do të nisë stërvitjen më 27 korrik.”
Ronaldinho u prit me entuziazëm nga tifozët e rinj
Dy herë fituesi i “Topit të Artë” pranoi se u emocionua gjatë ceremonisë së prezantimit. “Jam shumë i lumtur me pritshmërinë që njerëzit vazhdojnë të kenë ndaj meje. Jam në një klub të madh, me një projekt gjigant dhe unë dua të bëhem pjesë e historisë së Fluminenses.”
Dia muito especial hoje!! Obrigado por tudo!! #R10noFLU pic.twitter.com/FoobTQj0Df
— Ronaldinho Gaúcho (@10Ronaldinho) July 20, 2015
Aventura e Ronaldinho te Quertaro, gjatë vitit të fundit, nuk shkoi ashtu siç ishte parashikuar, pasi tifozët meksikanë nisën ta kontestojnë futbollistin duke e akuzuar se ishte përtac dhe i pamotivuar. Për të luajtur te Fluminense, numri 10 refuzoi një ofertë të majme që i kishte bërë klubi turk i Antalyaspor.
[total-poll id=54722]
