Bundesliga

Rummenigge: Mund të ketë sërish largime nga Bayern

Presidenti i Bayern Mynih, Karl-Heinz Rummenigge, ka bërë me dije sot se ka gjasa që deri në fund të merkatos të tjerë lojtarë të largohen nga skuadra bavareze. Ai i referohet fakti se skuadra kampione e Bundesligës ka bollëk lojtarësh në mesfushë, ndaj dikush do të lërë ekipin gjatë merkatos së verës. “Është normale që ka shumë zëra për afrime e largime lojtarësh. Gjatë merkatos. Të gjithë e dinë se ne kemi 9 mesfushorë, pra nga 3 lojtarë për çdo pozicion”, tha Rummenigge.

Janë shumë. Bashkë me trajnerin kemi biseduar dhe kemi rënë dakors se nëse ndonjëri nga lojtarët dëshiron të largohet, nuk do ta pengojmë”, u shpreh më tej rummenigge. Kohët e fundit është përfolur se Thiago Alcantara kërkon të shkojë te Barcelona, ndërsa Sebastien Rudy kërkohet nga Leipzig. Pra, të gjitha gjasat janë që largimet të ndodhin në mesfushë, ndërsa largimi i sulmuesit Robert Lewandowski nuk do të lejohet. “Ai është pjesë e ekipit dhe besoj se sezonin tjetër do të thyejë rekordin e 30 golave”, tha Rummenigge.

Më shumë nga Bundesliga