RUSI 2018

Sampaoli kërcënon yllin e Argjentinës: Po e bëre, nuk vjen në Botëror

Javier Mascherano ka ndërmend të largohet nga Barcelona që në muajin janar. Një lajm ky që nuk është pritur aspak mirë nga trajneri i Argjentinës, Jorge Sampaoli. Siç ka bërë të ditur radio “De La Red”, ai e ka paralajmëruar lojtarin duke i thënë se nuk do të grumbullohet për Kupën e Botës, nëse vendosë të transferohet në Kinë.

Mbrojtësi argjentinas nuk është më një zgjedhje e parë te katalanasit dhe kjo duket se është arsyeja kryesore pse ai ka kërkuar të largohet që në merkaton e janarit. Dyshja Pique-Umtiti është bërë e paprekshme për trajnerin Valverde.

Javier Mascherano, gjithsesi, nuk ka ndërmend ta detyrojë klubin ta shesë. Madje, është i gatshëm të presë deri në verë. Megjithatë, Valverde ka filluar të punojë për të gjetur disa zgjidhje në mbrojtje në rast se ai largohet.


Klikoni butonin “send to messenger” për të marrë lajmet e fundit me mesazh, zgjidhni ekipin ose sportin tuaj të preferuar


Më shumë nga RUSI 2018