Merkato

Santos pranë marrëveshjes me Gabigol, mungon vetëm OK i Inter-it

Gabriel Barbosa kërkon rikthimin te Santos, dhe të njëjtën gjë kërkojnë edhe tifozët që duan rikthimin e idhullit të tyre pas makthit që po kalon në Evropë.

Gabigol ndihmoi Brazilin të fitonte Lojërat Olimpike në 2016 dhe u konsiderua si një nga talentet më premtues në botë, duke merituar një transferim tek Inter për rreth 25 mln euro.

Por 21-vjeçari ka dështuar në Itali, duke shënuar vetëm një gol, teksa periudha e huazimit te Benfica ka shkuar akoma më keq.

Presidenti i Santos Jose Carlos Peres thotë se bisedimet midis klubit dhe Inter-it mbi një rikthim të brazilianit kanë nisur.

“Kemi një dialog me Inter,” shprehet Peres për FPF TV.

“Ne e kemi bërë ofertën tonë dhe po presim përgjigje. Gjithçka është e kryer midis nesh dhe lojtarit.

“Tani çdo gjë varet nga Inter, që është në pronësi të kinezëve të Suning. Jemi pranë marrëveshjes.”

Image result for Gabigol


Klikoni butonin “send to messenger” për të marrë lajmet e fundit me mesazh, zgjidhni ekipin ose sportin tuaj të preferuar


Më shumë nga Merkato