Connect with us

Kampionati Shqiptar

Shpërthen trajneri shqiptar: Ja pse festova si Conte në Kamëz

Dashnor Hasani ka qenë trajner i portierëve të Kamzës deri para disa kohësh, kur presidenti Naim Qarri e shkarkoi.

Dashnor Hasani ka qenë trajner i portierëve të Kamzës deri para disa kohësh, kur presidenti Naim Qarri e shkarkoi. Ai ishte ndihmës i Bledar Devollit, të cilin e tronditi me një barazim në shtëpi, ndeshjen e fundit në radhë të Kategorisë së Parë. Përmes një statusi në Facebook, Hasani ka shfryrë tërë dufin e tij ndaj disa personave te ish-skuadra e tij, duke i paralajmëruar se çfarë i pret në Shënkoll: “Festova si Antonio Conte në Kamëz, sepse mënyra e largimit tim nga ky ekip ishte rasti i parë në botë. Festova, pasi nga Kamza nuk u largova për paaftësi profesionale, apo thjesht se deshën të më zëvendësojnë me një tjetër, por për inate të “shkuesit tim”. Festova, pasi edhe rrogën e fundit, për punën që kisha bërë, bashkia nuk ma dha! Festova për Baftjar Devollin, i cili kur m’u komunikua largimi me një arsye banale, në prani të 29 vetëve, duke qenë pjesë e stafit të tij, nuk foli asnjë fjalë, por qëndroi si një Konkubinë e zënë mat. Asnjë telefonatë nuk më bëri, pavarësisht se kishim shkuar shumë mirë, por thjesht uli kokën si struci. E përkthyer në shqip, kjo do të thotë “larg bythës sime”. Festova për nënën time, e cila nuk jeton më, që duke parë shqetësimin tim pse më larguan në mënyrë të padrejtë, më tha: Dash, mos bëj fjalë me njeri, lërja Zotit.

Kam FALENDRIM për Baftjar Devollin, për qëndrimin fanatik të lojës së tij, duke i rënë fyellit në një vrimë. Loja e tij nuk prodhon gola, ndaj na e lehtësoi shumë fitoren, pasi edhe golin e barazimit e shënuam vetë në portën tonë. Skemën e tij lojtarët tanë e dinin pa u nisur topi. Madje, edhe pleqtë e plakat e Shënkollit e dinin skemën e tij. Megjithë ndihmën e gjygjtarit Breshani dhe me 10 lojtarë, nuk u vumë në vështirësi. Falënderoj ISA BOLETININ e Shënkollit, tifozët e Shënkollit, të gjithë lojtaret dhe stafin e Shënkollit për shpirtin e lartë të garës dhe besimin në fitore! Falënderoj portierin Danaj, pavarësisht se bëri punën e tij. Me të dhënat dhe aftësitë që ka do ta kishte zili çdo ekip i Kategorisë Superiore. NDIHME për ish-kolegun Devolli. I uroj që të mos largohet pas takimit me Shijakun, por të jetë i pranishëm në Shënkoll, bashkë me arbitrin Breshani. Në Kamëz me 10 lojtar i morëm barazimin; në Shënkoll, po erdhi me atë fyell, me një vrimë, edhe me 8 lojtarë do ta mundim. Ndjesë dhe respekt për të gjithë tifozët e Kamzës, disa prej të cilëve më mirëkuptuan. Unë tashmë jam pjesë e Shënkollit. Ndjesë të gjithë lojtarëve të Kamzës, për të cilët kam respekt maksimal. Janë djem shumë të mirë dhe lojtarë të shkëlqyer. KA ZOT. Vetëm malet nuk takohen!”

Më shumë nga Kampionati Shqiptar