Peshëngritje

Shqipëria organizon Europianin e Peshëngritjes në 2018

Shqipëria do të jetë organizatorja e radhës e Kampionatit Europian të Peshëngritjes për të rritur, që do të mbahet në mars të vitit të ardhshëm në Tiranë. Në një konferencë të përbashkët për mediat, Presidenti Federatës Shqiptare të Peshëngitjes, Elez Gjoza së bashku me Presidentin e Federatës Europiane të Peshëngitjes, Antonio Urso, dhe kreun e Peshëngitjes Kosovare, Astrit Asani, kanë zyrtarizuar lajmin për organizimin e këtij eventi të rëndësishëm sportiv.

Gjatë fjalës së tij, Elez Gjoza, tha se Shqipëria është një nga vendet më të mira në botë për organizimin e këtyre eventeve. Elez Gjoza, pasi ka falënderuar Presidentin e Republikës, Ilir Meta, dhe Kryetarin e Bashkisë, Erion Veliaj, ka dhënë lajmin e mirë. Ndërsa Presidenti Federatës Europiane të Peshëngritjes, Antonio Urso, u shpreh se Shqipëria është e aftë të organizojë të tilla evente sportive.

Antonio Urso

“Kampionati Europian është gara më e mirë dhe më e rëndësishme që organizohet nga Federata Europiane e Peshëngritjes. Ky event do të transmetohet në të gjithë botën. Peshëngritësit më të mirë të Europës do të garojnë në pedanë. Duke parë suksesin e fundit , të organizimit të Kampionatit Europian për të rinj në Durrës, Federata Europiane në bashkëpunim me Federatën Shqiptare të Peshëngritjes do kujdeset të organizojë një Europian të mirë në Shqipëri. Jam shumë i sigurtë që Federata Shqiptare e Peshëngritjes është e aftë të organizojë edhe kampionate botërore” – tha ndër të tjera kreu i EËF, Antonio Urso.

Më shumë nga Peshëngritje