Kampionati Shqiptar

Skënderbeu bën goditjen e madhe, merr lojtarin e kombëtares

Skënderbeu ka bërë goditjen e madhe. Presidenti Ardian Takaj ka siguruar shërbimet e mesfushorit korçar të kombëtares, Ergys Kaçe, i cili do të huazohet për 6 muaj nga PAOK-u i Selanikut.

Skënderbeu ka bërë goditjen e madhe. Presidenti Ardian Takaj ka siguruar shërbimet e mesfushorit korçar të kombëtares, Ergys Kaçe, i cili do të huazohet për 6 muaj nga PAOK-u i Selanikut. Fantazisti shtatshkurtër nuk e mbylli me sukses aventurën çeke, me Viktoria Plzen, sepse pati probleme me trajnerin dhe u kthye para kohe te klubi mëmë. Duke përfituar nga situata, teksa selanikasit nuk i ofrojnë dot mundësinë e aktivizimit si titullar, Kaçe ka ndjekur rrugën e Kristi Vangjelit, duke iu bashkuar skuadrës së vendlindjes.

ergys-kace-me-menaxherin-sot-tek-tropikal-resor

Ergys Kaçe me menaxherin e tij, dje në “Tropikal Resort”

Pra, më 2 janar, ai pritet të prezantohet si futbollist i Skënderbeut. Aftësitë organizative dhe ndërtuese të këtij futbollisti njihen, janë të spikatura edhe goditjet standarte, ndaj Ergys Kaçe duket se do të vendosë rregull në lojën e kampionëve, duke u pozicionuar në “kullën e regjisë”, aty ku ka mbetur një boshllëk jo i vogël pas largimit të ish-kapitenit, Bledi Shkëmbi.  Ndoshta aktivizimi me juglindorët do të bëjë të mundur edhe rikthimin në kombëtare të 23-vjeçarit, ku ka munguar në kualifikueset e fundit. Flitet për një raport të krisur mes tij dhe De Biazit, por rikthimi në formën më të mirë sportive do të hiqte çdo barrierë drejt fanellës kuqezi për Kaçen.

 

Më shumë nga Kampionati Shqiptar