Kampionati Shqiptar

Takaj: Kukësi-Partizani, ndeshje e fortë. Më pëlqeu rezultati!

Ardian Takaj ndihet i qetë. Skuadra e tij ka arritur të rikuperojë pozicione dhe të kapë kreun e Superiores.

Ardian Takaj ndihet i qetë. Skuadra e tij ka arritur të rikuperojë pozicione dhe të kapë kreun e Superiores. Me fitoren e fundit në Shkodër, Skënderbeu ka revizionuar vetveten, aq sa pikët diferencë me Kukësin janë zhdukur tashmë. Presidenti i kuqebardhëve vlerëson punën e trajnerit Ilir Daja, por flet edhe për tema të tjera të nxehta të kampionatit. I ftuar në emisionin “Zona Gol” të Alban Xhihanit, në “Supersport”, Takaj ka nënvizuar:

“Kukësi-Partizani ishte ndeshje kartoline, që më pëlqeu. Natyrisht, më pëlqeu edhe rezultati. Ishte një sfidë shumë e luftuar. Jemi në një moment, kur të gjithë bëjnë llogaritë. Ai që do të gabojë më pak, do të fitojë titullin. Kampionati është shumë i fortë, sepse nuk mund të thuash se kam fitore të sigurt në ndonjë fushë, qoftë kjo edhe e skuadrës së vendit të fundit. Po të bësh analizën e kampionatit, gabon nëse mendon se ka kundërshtarë të dobët. Edhe Skënderbeu, edhe rivalët tanë, pikët i kanë lënë atje ku mendoheshin ndeshje të lehta. Ilir Daja e ka kthyer Skënderbeun në nivelin e viteve të kaluara, ka ndryshuar shumë loja në sulm dhe mbrojtje. Daja po punon shumë mirë, është I përshtatshëm. Rinovimi me të? Nuk jam person, që jap ultimatume.

Objektivi i Dajës është titulli, por edhe në rast se kjo nuk realizohet, nuk vendoset largimi i trajnerit. Kampionati ka edhe fatin brenda. Unë mendoj se do të jemi shumë të fortë deri në fund dhe do të shpallemi kampionët e Shqipërisë. Eshtë viti i duhur që t’i synojmë dy trofetë. Edhe Kupa e Shqipërisë është objektiv i këtij sezoni. Menaxhimi i klubit? Nuk po bëhem i pasur nga futbolli, sepse shpenzimet janë të mëdha. Unë kam hapur një derë për futbollin tonë, duke bërë të mundur diçka që më parë ishte e pamundur. Të gjitha ekipet shqiptare duan të ndjekin rrugën e Skënderbeut. Do të kërkojmë sërish grupet e “Europa League”, apo, pse jo, të Champions-it.

Sa shpenzohet për një ekip fitues? Shifrat për dy vendet e para duhet të kalojnë 1.2 apo 1.3 milionë euro. Skënderbeu i ka pasur edhe më të larta, sepse kemi pasur shpenzime më shumë. Objektiv nuk mund të jetë vetëm marrja e një titulli, pasi shpenzimet janë më të mëdha se fitimet nga UEFA apo FSHF-ja. Nëse fiton kampionatin dhe eliminohesh në turin e parë në Europë, atëherë nuk ke fituar asgjë, mbulohet vetëm një pjesë e shpenzimeve. A është një rinisje e kampionatit, kur kanë mbetur edhe 13 javë kampionat? Rivaliteti është shumë i madh. Nëse nuk shpallemi kampionë nuk do të ndodhë asgjë. Por, ne jemi të bindur te skuadra dhe stafi se do të triumfojmë.”


Klikoni butonin “send to messenger” për të marrë lajmet e fundit me mesazh, zgjidhni ekipin ose sportin tuaj të preferuar


Më shumë nga Kampionati Shqiptar