Connect with us

Futboll

“Të fitojmë titullin pastaj të mendojmë për festën”

Kundër Skënderbeut në “Zeqir Ymeri”, Kukësi do të luajë ndeshjen më delikate të sezonit dhe për të dal me rezultat pozitiv të gjithë duhet të japin maksimumin. Lojtari i 12 ka një rëndësi të madhe dhe shefi i klubit të Kukësit u bënë thirrje tifozëve për të qenë sa më të shumë në stadium por edhe të mos shkaktojnë incidente: “Presim një stadium të tejmbushur, por u bëj thirrje tifozëve që të tregohen sa më entuziastë dhe të mos krijohet asnjë problem e incident”, deklaroi ai për “Super Sport”.

Rezultate imazhesh për jonuz hallaçi

Për pjesën më të madhe të sezonit drejtuesit kanë hapur dyert e stadiumit për mbështetësit por këtë herë kanë befasur me çmimin e biletave. Madje edhe tifozët korçar janë anukuar për çmimin e biletave: “E kemi shpjeguar që biletat për tifozët tanë do të paguhen nga kontributi i biznesmenëve të Kukësit, ndaj nuk do të lemë askënd jashtë. Për sa u përket tifozëve të Skënderbeut, nuk kemi marrë ndonjë kërkesë për ulje çmimi nga Skënderbeu. Jemi në kontakt, por ende nuk kemi as shifrën e saktë sa tifozë do të vijnë nga Korça. Nëse çmimi është i lartë, ashtu si në Kukës, edhe biznesmenët e shumtë të Korçës mund të ndihmojnë tifozët”.

Rezultate imazhesh për jonuz hallaçi

I pyetur nëse klubi ka filluar të mendojnë për festën e titullit nëse shpallen kampiona, Hallaçi tha: “Dasma nuk fillon pa ardhur nusja, ndaj mos të planifikojmë gjëra të parakohshme. Ta fitojmë njëherë titullin, pastaj festa do të jetë e jashtëzakonshme”.

Më shumë nga Futboll