Kampionatet në Europë

Valverde: “Topi i Artë”? Të gjithë e dimë se Messi është më i miri!

Trajneri i Barcelonës, Ernesto Valverde, beson se Lionel Messi është lojtari më i mirë në botë, pavarësisht se kush e fiton “Topin e Artë”. Messi është një rekord, pesë herë fitues i këtij çmimi prestigjioz individual, por ai pritet të jetë i sfiduar sërish nga ylli i Real Madridit, Cristiano Ronaldo, këtë vit. Dyshja ka ndarë nëntë “Topa të Artë”. Ata konsiderohen gjerësisht si dy lojtarët më të mirë në botë. Valverde, ekipi i të cilit pret Olympiacos në Ligën e Kampioneve, të mërkurën, tha se nuk kishte asnjë dyshim se kush ishte më i miri.

“Ne të gjithë e dimë se kush është lojtari më i mirë në botë (Messi), – tha ai në një konferencë shtypi, të martën. – Dhënia e një “Topi të Artë”, ose e një çmimi tjetër nuk është diçka, që nuk më intereson. Por, kjo nuk ndryshon mendimin tonë. Të gjithë e dimë. Messi është më i miri në botë”. Ylli argjentinas i Barcelonës ka bërë një fillim mbresëlënës në këtë sezon, duke shënuar 14 gola në 12 ndeshje, në të gjitha garat, për katalanasit.

 


Klikoni butonin “send to messenger” për të marrë lajmet e fundit me mesazh, zgjidhni ekipin ose sportin tuaj të preferuar


Më shumë nga Kampionatet në Europë