Xabi Alonso, ish-mesfushor dhe trajner aktual i Real Sociedad B, foli në podcastin e Jamie Carragher, shokut të tij të skuadrës në kohën e Liverpool, duke ndjekur disa nga hapat më domethënës të karrierës së tij:
“Kujtimi më i keq është loja që humbëm 5 – 0 në Camp Nou, nata më e keqe që kam jetuar në futboll.
Pas 20 minutash unë doja të largohesha dhe të shkoja në shtëpi.
Finalja e Ligës së Kampionëve e fituar me përmbysje kundër Milanit? Në gjysmën e ndeshjes isha i zemëruar me veten, i thashë vetes se nuk mund ta hedh një mundësi të tillë.
Puna ime si trajner? Unë nuk dua që shansi i madh të vijë shumë shpejt. Jam i ri. Unë dua të bëj gjëra hap pas hapi dhe të rritem, të bëj gabime, të mësoj dhe përmirësohem “.