Futboll

Zidane: Vendi i parë akoma nuk do të thotë asgjë

Zinedine Zidane ka paralajmëruar Real Madrid se gara për të fituar titullin e La Liga-s nuk ka përfunduar, megjithëse ekipi i tij ka pesë pikë avantazh nga vendi i dytë. Madrid arriti një fitore të rëndësishme ndaj Athletic Bilbao me rezultatin 2:1 të shtunën me golat e Benzema dhe Casemiro

Zinedine Zidane ka paralajmëruar Real Madrid se gara për të fituar titullin e La Liga-s nuk ka përfunduar, megjithëse ekipi i tij ka pesë pikë avantazh nga vendi i dytë. Madrid arriti një fitore të rëndësishme ndaj Athletic Bilbao me rezultatin 2:1 të shtunën me golat e Benzema dhe Casemiro. “Fituam në një fushë të vështirë. Vuajtëm jashtë mase por luajtëm me personalitet në të njëjtën kohë. Ne e dimë që Athletic nuk do të dorëzohej deri në fund dhe do të na hapnin probleme. Ishte e rëndësishme të fitonim. Por kanë mbetur edhe 11 ndeshje, jemi në kryer, por kjo nuk do të thotë asgjë. E dimë që kanë mbetur edhe shumë ndeshje të vështira.”

Zidane zëvendësoi Benzema dhe Ronaldo – që kishin meritë në dy golat – në pjesën e dytë dhe përdori skemën 4-2-2 për të ndalur sulmet e Athletic. “Karim luajti një ndeshje të madhe. Zëvendësimi i Ronaldo-s nuk do të thotë asgjë. Ai ishte i lumtur me fitoren. Na duhet më tepër balancë, dhe të mbrojmë më të bashkuar. Cristiano, Bale dhe Benzema dhanë shumë, prandaj i zëvendësova me Isco dhe Morata.” Megjithëse Navas është kritikuar së tepërmi, Zidane ka akoma besim te portieri i tij. “Debati për mua ka përfunduar. Mund të bëhen gabime, po ai bëri disa pritje vendimtare dhe falë atij dhe të tjerëve ne fituam.”


Klikoni butonin “send to messenger” për të marrë lajmet e fundit me mesazh, zgjidhni ekipin ose sportin tuaj të preferuar


Më shumë nga Futboll