1 prilli i hidhur i Casillas dhe komplimenti për Sara Carbonero “çmendin” rrjetin…

1 Prill 2021
15:20
Alfred Lleshi

Iker Casillas është në një moment të vështirë të jetës së tij, pas ndarjes nga Sara Carbonero. Ka thashetheme të vazhdueshme, që përpiqen ta njollosin imazhin e ish-futbollistit. Sidoqoftë, jo të gjitha lajmet janë të këqija. Ish-portieri i Real Madridit dhe Portos udhëtoi në Portugali të mërkurën, ku u takua përsëri me disa nga ish-shokët e tij të skuadrës dhe me mjekët, të cilët i kanë bërë një kontroll të ri këtë të enjte. Casillas festoi për rezultatet e tij të favorshme shëndetësore.

Ky 1 prill nuk është asgjë më shumë dhe asgjë më pak se, 23 muaj pasi pësoi atë sulm në zemër gjatë një seance stërvitore me klubin portugez. “Unë bëra atë që bëja çdo ditë, hëngra mëngjesin dhe shkova të stërvitesha. Kur po vrapoja me ekipin u ndjeva shumë keq, mezi merrja frymë dhe mendova se është ndonjë alergji. Por shoh se nuk ishte ndjesia si kur kam alergji. Diçka më e keqe ishte, ndjeva shtrëngim në gjoks”, – kujton spanjolli në dokumentarin e tij.

Iker Casillas, në këtë ditë të veçantë, gjithashtu ka hedhur një koment të bukur te postimi i fundit i Sara Carbonero, e cila ka “ndezur” ndjekësit me një imazh shumë pranveror, me të njëjtën ngjyrë të kuqe buzësh si lulet që shoqërojnë fotografinë. Ndër të gjitha mesazhet e bukura, që janë shfaqur në bordin e saj të komenteve, ishte ai i ish-partnerit, Casillas, i cili ka shkruar “Beautiful”. Kjo ka shkaktuar një mori reagimesh nga pjesa tjetër e ndjekësve të gazetares spanjolle.

 

View this post on Instagram

 

A post shared by Iker Casillas (@ikercasillas)

Tani, Iker Casillas vazhdon t’iu nënshtrohet testeve periodike. Pas kontrolleve të fundit mjekësore, vetë donte të ndante me më shumë se 16.8 milionë ndjekësit e tij në rrjetet sociale se doli mirë me gjithçka: “1 prill. 23 muaj më pas. Gjithçka në rregull. Lajme të mira”.

Për këtë, ish-portieri ka publikuar në profilin e tij në Instagram, këtë të enjte, një imazh të një gote verë dhe pamjet e plazhit nga akomodimi i tij. Reagimet, ndërkohë, nuk kanë vonuar shumë dhe në vetëm një orë, kjo foto ka marrë më shumë se 45.000 “like” dhe 300 komente, midis të cilëve nga personalitete të tilla si Máximo Huerta, Jerzy Dudek, Luis García, Isabel Jiménez dhe Carme Chaparro.

Lajme të tjera

Lajmet e fundit