Borussia Dortmund e ka fiksuar në 120 milionë euro çmimin për kartonin e yllit të saj Jude Bellingham, sipas gjermanes Sport Bild.
Anglezi, i cili ka mbushur 19 vjeç këtë të mërkurë, është vënë në shënjestër nga Real Madrid dhe Liverpool dhe konsiderohet një nga yjet më premtues të futbollit europian.
Kampionët e Europës po planifikojnë të bëjnë një lëvizje për lojtarin në verën e vitit 2023, pasi e shohin si pasardhësin e Luka Modric në mesfushën e tyre.
Modric, 36 vjeç, sapo ka nënshkruar një rinovim njëvjeçar të kontratës dhe po luan akoma në nivele shumë të larta pavarësisht moshës së tij.
Por pas 12 muajsh duket e arsyeshme që Los Blancos të bëjnë një ndryshim dhe të marrin Bellingham në Santiago Bernabeu për të zëvendësuar kroatin.
Rinovimi i mesfushës së Real Madrid ka filluar që tani. Aktualisht, madrilenët kanë në repartin e mes fushës gjashtë lojtarë: Modric, Toni Kroos, Casemiro, Fede Valverde, Eduardo Camavinga dhe Aurelien Tchouameni.
Luka Modric dhe Toni Kroos kanë edhe një vit në kontratat e tyre dhe Tchouameni sapo është marrë nga Monaco, duke zgjedhur Los Blancos para Liverpool-it.
Borussia Dortmund have put an asking price of €120m on Jude Bellingham, according to Sport Bild. #BVB #LFC
— Ronan Murphy (@swearimnotpaul) June 29, 2022