Sadio Mane dërgoi kuti me çokollata dhe një fotografi të tij 150 anëtarëve të stafit të Liverpool-it pasi u largua. Sulmuesi u transferua nga Anfield te Bayern Munich në një marrëveshje prej 35 milionë sterlinash këtë verë pas gjashtë vitesh me Reds.
Pas largimit, 30-vjeçari ishte i prirë të tregonte vlerësimin e tij për ata heronj të prapa skenave që ndihmojnë lojtarët të lulëzojnë. Christian Falk i Bild raporton se “nga pastruesi te roja e sigurisë” – çdo anëtari të stafit iu dhurua një çokollatë dhe portret.
Paketat përfshinin gjithashtu një kartë me mesazhin: “Faleminderit për gjithë mbështetjen tuaj. “Ti kurrë nuk do të ecësh vetëm”. Mane iu bashkua Reds nga Southampton në 2016, duke fituar gjithçka me skuadrën e Jurgen Klopp.
Ai i ndihmoi ata të fitonin Premier League, Champions League, FA Cup, League Cup, Botërorin për klube dhe Superkupën e Europës. Ylli senegalez shënoi 120 gola në 269 paraqitje për Të Kuqtë.
Ai gjithashtu dha 49 asiste si pjesë e treshes së frikshme së bashku me Mo Salah dhe Roberto Firmino. Mane nuk ka humbur kohë as me Bayern-in.
Ai shënoi në debutimin e tij në një fitore 5-3 të Superkupës së Gjermanisë ndaj Leipzig. Dhe ai gjithashtu pati një fillim të përsosur në Bundesliga, duke shënuar në fitoren 6-1 të skuadrës së tij ndaj Eintracht Frankfurt në javën e parë.