16 lojtarë të ekipit brazilian Vasco Da Gama kanë rezultuar pozitivë me koronavirus. Lajmin e konfirmoi sot shefi i stafit mjekësor të ekipi karioka, Marcos Teixeira. Ai u shpreh se janë kryer 350 teste në klub: Lojtarë, staf dhe punonjës.
“Nga 350 teste në total, 43 prej tyre u janë bërë sportistëve dhe 16 vetë kanë dalë pozitivë me Covid-19”, tha Teixeira, që shtoi se të gjithë janë në izolim. “Edhe 3 persona të tjerë kanë qenë pozitivë më parë, por janë shëruar. Ne jemi duke bërë një punë të madhe në mënyrë që të gjithë të shërohen”, tha mjekur i klubit brazilian.
Ky lajm ka shtuar debatet për rinisjen e futbollit në Brazil. Ditët e fundit është përfolur për një rinisje të kampionatit me idenë se futbollistët janë të rinj dhe kanë pak shanse për t’u prekur nga virusi, por ky rast ka ndalur gjithçka.