Lorenzo Pellegrini do të jetë sërish në dispozicion të trajnerit Mourinho vetëm në vitin e ri. Mjekët kanë konfirmuar se lojtarit të Romës do t’i duhen 30-40 ditë pushim për dëmtimin e “kuadriceps”.
Që në fillim u duk një dëmtim mjaft i rëndë, aq sa José Mourinho kishte folur edhe për një ndalesë “disa-javore”. Viti 2021 i Lorenzo Pellegrinit, i cili u largua nga fusha në minutat e para të Roma-Torino, ka përfunduar zyrtarisht.
Siç raporton “Sky Sport”, testet mjekësore të cilave iu nënshtrua kapiteni verdhekuq nxorën në pah dëmtimin në “kuadricepsin” e djathtë, çka nuk do ta lejojë të jetë sërish në fushë para 30-40 ditëve.
Pellegrini do të mungojë në 6 ndeshjet e planifikuara për në dhjetor: Bologna, Inter, CSKA Sofia (Conference League), Spezia, Atalanta dhe Sampdoria.