David dhe Victoria Beckham. Çifti perfekt. Të pasur, të famshëm, të lidhur ngushtë, me një familje të madhe. Megjithatë, edhe Becks kanë problemet e tyre. Ato të Davidi janë të lidhura me fushën dhe ekipin e tij në MLS, Inter Miami.
Skuadra me bazë në Florida, e krijuar në vitin 2020, pavarësisht lojtarëve të mëdhenj të nënshkruar gjatë sezoneve të para (Higuain, Matuidi, Kieran Gibbs) ende nuk arrin të vendoset si një nga forcat e mëdha të MLS.
Victoria-s, nga ana tjetër, siç shpjegon DailyMirror, nuk i dalin llogaritë: linja e saj e veshjeve VBB (Victoria Beckham Beauty) është në krizë të rëndë ekonomike.
Një deficit prej 54 milionë sterlinash…
Vitet e fundit, volumi i biznesit të linjës së veshjeve Victoria ka rënë, me një buxhet në deficit prej 54 milionë sterlinash, 30 prej të cilave i detyrohen bizneseve të tjera familjare.
Faji (edhe) për humbjet prej 7 milionë sterlina në 2020, të cilat i shtohen 14 milionë në 2019 dhe 10 milionë në 2018. Më pas ka qenë edhe kriza e sistemit, pavarësisht, siç thekson tabloidi, linja Posh Spice shet pulovra për 500 £ dhe një palë pantallona për 400 £.
Kolapsi ekonomik kishte hyrë tashmë në fuqi në vitin 2020, me mbylljen e dyqanit kryesor në qendër të Londrës në Oxford Street, pasi ishte një dyqan në një zonë prestigjioze, por që si e tillë është edhe mjaft e shtrenjtë.
… por të ardhurat e familjes mbeten pozitive!
Një situatë që, siç thuhet në një deklaratë, ka detyruar VVB-në të rishikojë planet e saj dhe të krijojë linja veshjesh dhe produktesh të reja, si ato për lëkurën dhe make-up, që mund ta bëjnë biznesin më të qëndrueshëm në terma afatgjatë.
Ndërkohë, zërat flasin për një krizë të thellë. Dhe madje çifti perfekt rezulton të jetë shumë njerëzor. Por ndoshta jo shumë, sepse Mirror shpjegon gjithashtu se, pavarësisht humbjeve në biznesin e Victoria-s, buxheti i familjes është ende pozitiv: në vitin 2020 të dy deklaruan fitime prej gati 12 milionë sterlina.
Që do të thotë, në mënyrë të qartë, se bizneset e David-it shkojnë mjaft mirë. Dhe për fatin e këngëtares, në shtëpinë Beckham funksionon si në futboll: bëhesh skuadër dhe më pas fitojnë dhe humbin… të gjithë bashkë!
