Tammy Abraham, heroi i Chelsea-t në fitoren 3-2 të arritur kundër Norwich, ka komentuar paraqitjen e tij dhe të skuadrës.
“E dinim se nuk do ta kishim të lehtë këtu. E kemi nisur ndeshjen mirë, sepse e dinim se duhet ta bënim. Pësuam gola, por e dinim se do të kishim më shumë raste”, ka thënë Abraham.
“Golat? Është një gjë që e kam ëndërruar gjithmonë. Të shënoj për klubin e fëmijërisë. Të luaj me ekipin e parë dhe të shënoj. Jam i lumtur që mund të ndihmoj skuadrën”.
“Fitorja e parë në kampionat? Nuk mund të them se është një lehtësim, por e dinim se duhej të fitonim. Dy ndeshjet e para të sezonin ishin të vështira. Erdhëm këtu të vetëdijshëm se na duheshin tri pikët”.