Pasi ka veshur fanellën e Milanit në sektorin e të rinjve, Adrian Galliani largohet nga Italia për të filluar një aventurë të re në Angli. Nottingham Forest në të vërtetë ka njoftuar blerjen e nipit të Adriano Galliani, ish-drejtorit menaxhues të kuqezinjve. Sulmuesi i lindur në vitin 2001 ka nënshkruar kontratën e re dhe do të luajë në formacionin e U-23 të klubit prestigjioz anglez. Ja njoftimi zyrtar me këtë rast:
“Nottingham Forest është i kënaqur të mirëpresë Adrian Galliani në skuadrën U-23. Galliani ka një karrierë prestigjioze në sektorin e të rinjve, pasi ka veshur fanellat e Milanit dhe “IMG Academy USA”. Galliani tani do të luajë në Akademinë e Forest, pasi të nënshkruajë kontratën e tij të parë profesionale deri në fund të sezonit 2020-2021”.
Nipi i Gallianit më parë ishte punësuar nga Watford, tani mund të vazhdojë të luajë sërish në Angli. Më parë, gjithashtu, ka luajtur me Daniel Maldini, djalin e ish-flamurit të kuqezinjve, Paolo Maldini, tek U-16 i “Djallit”.
