Bayern Munchen nuk do të rinovojë me David Alaban. Mbrojtësi austriak do të largohet nga ekipi gjerman. Ai nuk ka gjetur gjuhën e përbashkët për të rinovuar sërish.
Real Madridi e ka kthyer në futbollistin më të dëshiruar në merkato. Drejtuesit spanjoll po punojnë shumë për ta rrëmbyer në La Liga dhe duan të fitojnë duelin me PSG dhe Juventusin.
28-vjeçari mund të joshet nga Reali, pasi Sergio Ramos mund të largohet. Në kushte të tilla, Alaba do të kishte të gjithë hapësirën për të shkëlqyer te kampionët e Spanjës.